27.07.2010
Жеке ақпарат

Тексеру желісінен өту тәртібі жеңілдетілді

2010 жылдың басында Халықаралық Алматы әуежайының терминалында тексеру желісінен өту процессіне біршама өзгерістер енгізілді. Жолаушыларға қолайлы болу үшін ғимаратқа кіру және шығу есіктерінің алдындағы тексеру желісі алынды. Бұдан былай жолаушылар тексеруден халықаралық ИКАО ережесіне сәйкес, ұшып кетер алдында өтеді. Тексеру қызметінің сапасын арттыру мақсатында Авиациялық қауіпсіздік қызметі тексеру қызметкерлерін қайта мамандандырылудан өткізді. Ішкі авиажелілерде тексеру жұмыстарын әуежайдың Авиациялық қауіпсіздік қызметінің қызметкерлері, ал халықаралық желілерде АҚҚ қызметкерлері мен ҚР Кедендік және Шекаралық орган қызметкерлері өз құзіреттіліктеріне сай жүргізеді.

Ереже Қазақстан Республикасы Үкіметі бекіткен арнайы тізім бойынша мемлекеттің лауазымды тұлғаларын қоспағанда, қол жүгін, багажды, жүкті, поштаны, борт тамақты, ӘК экипажын, ішкі және халықаралық желі жолаушыларын жеке тексеру тәртібін анықтайды.

Тексерудің мақсаты ұшулардың қауіпсіздігі мен экипаж мүшелерінің, жолаушылардың, жердегі қызметкерлердің, халықтың өмірі мен денсаулығын және әуежай құралдарын заңсыз іс-әрекеттерден сақтауды қамтамасыз ету болып табылады. Әрбір жолаушының қауіпсіздігі жайлы ұшудың кепілі болып табылмақ.

PR менеджер
Халықаралық Алматы Әуежайы
тел. +7 (727) 388-8773
PR@alaport.com