21.07.2010
Жеке ақпарат

2010ж 16-17 шілде күндері Қазақстан Республикасының Президенті Н.Ә.Назарбаевтың қатысуымен Алматы іргесіндегі Ақбұлақ демалыс аймағында ЕҚЫҰ-на мүше мемлекеттер сыртқы істер министрлерінің бейресми кездесуі өтті.

Форумда қаралған басты мәселелердің бірі - Қырғызстандағы жағдай.

Бұл кездесуге ЕҚЫҰ-на мүше мемлекеттердің 30 сыртқы істер министрлері мен 15 министр орынбасарлары қатысты.

«ХАӘ» АҚ біздің мемлекетіміздің «Әуе қақпасы» болғандықтан, Алматы әуежайының Авиациялық қауіпсіздік қызметінің сақтық шаралары бейресми кездесу уақытында күшейтіліп, осыған байланысты құрамы 10 адамнан тұратын резервтік топтың кезекшілігі ұйымдастырылды.

2010ж 15-шілдесі мен 18-шілде аралығында Халықаралық Алматы әуежайы арнайы 15 рейсті күтіп алу мен шығарып салуды ұйымдастырды.

Барлық әуе кемелері тұрақ орны, авиаотын және борт тамағымен қамтамасыз етіліп, оларға жоғары деңгейде қызмет көрсетілді.

Шаралардың уақтылы және сапалы жоспарлануының нәтижесінде әуежайдың негізгі қызметі үздіксіз және ешбір кедергісіз абыроймен атқарылды.

PR менеджер
Халықаралық Алматы Әуежайы
тел. +7 (727) 388-8773
PR@alaport.com