Құттықтау

01.07.2010
Жеке ақпарат

Қазақстан астанасы - Астана қаласы күні Мемлекеттік мереке 1994ж ҚР Парламент отырысында ҚР Президенті Н.Ә.Назарбаев тұңғыш рет астананы Алматы қаласынан Ақмола (бұрынғы Целиноград) қаласына көшіру туралы ұсынысын білдірді. 1997 ж. 20-қазанда астананы көшіру туралы Жарлығына қол қойылды. 1998ж 6-мамырда Ақмола қаласының атауы Астана болып өзгертілді. 1998ж 10-маусымда жаңа астананың халықаралық тұсау кесу рәсімі өтіп, бұл күн 2006 жылға дейін Астана қаласының туған күні ретінде тойланды. 2006 жылдан бастап мерекелік күн 6-шілдеге ауыстырылды. 2008 ж 26-маусым күні «Қазақстан Республикасының мерекелері туралы»» заңына толықтырулар енгізу туралы» ҚР Заңына қол қойылды. Қазақстан азаматтары үшін тарихи-мәдени мәні бар жаңа мемлекеттік мейрам- «Астана күнін» 6-шілдеге ауыстыру мақсатында түзету енгізілді. Бұл мейрам мемлекеттік тәуелсіздікке қол жеткізу мен жаңа астананың еліміздің географиялық орталығына көшірілуіне байланысты жаңа тарихтағы Қазақстан халқының жеткен жетістіктерін көрсетеді.

Қымбатты Қазақстандықтар және Республика қонақтары! Қазақстан Республикасының Президенті Н.Ә.Назарбаевтың басшылығымен Қазақстанның көп ұлтты халқының ерен еңбегі арқасында біздің мемлекетіміздің астанасы қысқа мерзім ішінде тұрғызылды. Астана- әлемнің заманауи архитектуралық ару қалаларының бірі. Бүгінде Отанымыздың астанасы- Астана қаласының аты еліміздің барлық азаматтарына жақын және ыстық. Халықаралық Алматы әуежайы Қазақстандықтар мен барлық қонақтарды Астана күнімен құттықтайды! Барлықтарыңызға денсаулық, табыс және әр отбасына бақыт тілейміз! Қазақстан Республикасы және оның ару қаласы Астана өсе берсін, өркендей берсін!

Халықаралық Алматы әуежайы
Халықаралық қатынастар және маркетинг бөлімі
тел. +7 (727) 388-8773
MYespayeva@alaport.com