«Өз денсаулығың өз қолыңда» атты акция

17.06.2010
Жеке ақпарат

Байлық байлық емес, денсаулық-байлық
                                    (мақал)

Жыл сайын маусым айының үшінші жексенбісінде медицина қызметкерлері өздерінің кәсіби мерекесі – Медицина қызметкерлерінің күнін атап өтеді. Терапевт, мейірбикелер, хирург және фармацевтер, фельдшер мен жедел жәрдем қызметкерлері- адам денсаулығының сақшылары. Бұл кәсіп иелері - зор көңіл бөлу мен алғыс білдіруге тұрарлық жандар. 2010ж. 18 маусым күні Медицина қызметкерлерінің кәсіби мерекесі қарсаңында «Халықаралық Алматы әуежайы» акционерлік қоғамының «Авиатор» стадионында сағат 10.00-ден 13.00-ге дейін «Өз денсаулығың өз қолыңда» атты шара жүргізіледі. Бұл шара аясында лор, окулист, невропатолог, терапевт және тағы басқа медицина мамандарының тегін қабылдауында бола аласыздар. Шараға «Халықаралық Алматы әуежайы» АҚ, КАН медициналық орталығының, Азаматтық авиация академиясының, әуе көлігіндегі СЭС «Саяхат» авиакомпаниясының, «Скат» авиакомпаниясының мамандары қатысады.

Халықаралық Алматы әуежайы
Халықаралық қатынастар және маркетинг бөлімі
тел. +7 (727) 388-8773
MYespayeva@alaport.com