Халықаралық Алматы әуежайы

23.04.2010
Жеке ақпарат

Қазақстан, Алматы.
Футболдан әлем чемпионаты-2010 қарсаңында 2010жылдың сәуірдің 16-18 күндері Халықаралық футбол федерациясы қауымдастығының Әлем кубогы Қазақстанға әкелінді. 16 сәуір күні арнайы чартерлік ұшақ Халықаралық Алматы әуежайына келіп қонды. Әуежайда салтанатты күтіп алу рәсімімен қатар қала әкімдігінің жауапты тұлғаларының, БАҚ қызметкерлерінің, FIFA және «Кока-Кола» компаниясының ресми тұлғаларының қатысуымен пресс-конференция өтті.

Дүниежүзіндегі №1 спорт түрі саналатын футболдың Бас жүлдесімен жанкүйерлердің бұл кездесуі 2009 жылғы қыркүйектің 21-інде Халықаралық футбол қауымдастығы федерациясының (FIFA) штаб-пәтерінен басталған болатын. 2010 жылы мамырдың 4 күні Әлем чемпионаты өтетін Оңтүстік Африкаға жетпес бұрын, әлем кубогы сапары жер шарын 3 рет айналып шығатын ара қашықтықты (134 мың 17 шақырым) басып өтіп, жеткізіледі. Әлем кубогы сапары алғаш рет 2006 жылы өткізілді. Онда 102 мың 570 шақырым жерді басып өткен бұл Кубокты жанкүйерлер 29 елдің 31 қаласында тамашалаған.

Биіктігі 36,8 сантиметр, салмағы 6,175 грамм болатын 18 карат таза алтыннан жасалған FIFA Кубогын Әлем чемпионатының жеңімпазына тапсырылып, жеңімпаз оны келесі жарысқа дейін өзінде сақтайды. Марапатқа оның түпнұсқасын емес, жұқа алтынмен қапталған көшірмесін алады. Тұғырына 2 қабат бағалы малахит салынған Кубоктың тастұғырына 1974 жылдан бергі жеңімпаз елдің аттары мен уақыты ойып жазылған.

Әлем кубогы 11 маусымда Оңтүстік Африкада басталады. Финалға шыққан 32 команда Африка континентінде әлем олжасы үшін жарысады. Финал 2010 жылдың 11 маусымында Йоханнесбургтің «Soccer City» стадионында өтеді.

PR менеджер
Халықаралық Алматы Әуежайы
тел. +7 (727) 388-8773
PR@alaport.com