Air Cargo Forum Kazakhstan 2006

08.12.2006
Жеке ақпарат

Алматы қаласында 2006 жылдың 6 желтоқсаны мен 8 желтоқсаны аралығында Қазақстан 2006 Эйр Карго форумы өтті. Бұл шараны ҚР Көлік және коммуникация министрлігі мен Алматы қаласы Әкімдігінің қолдауымен «Халықаралық Алматы әуежайы» ұйымдастырды.

Бұл шара аймақтың, оның ішінде Алматы әуежайының жүк тасымалдау бизнесіндегі техникалық мүмкіндіктерін көрсетуге бағытталды. Форумға қатысушылар тұсаукесер материалдарды көруге, сондай-ақ, тікелей әуежай жұмысымен танысуға мүмкіндік алды. Форум барысында әуежайдың орталық объектілерінің, атап айтқанда, карго терминалдың, авиациялық техникалық орталықтың, бизнес-авиацияға арналған терминалдың, сондай-ақ, Халықаралықа Алматы әуежайының техникалық жабдығының тұсаукесері болды.

Қазақстан үшін теңдесі жоқ бұл шараға бүкіл әлемнен 100-ден аса қонақ жиналды. Форумды Алматы қаласы Әкімінің орынбасары К.А. Бөкенов мырза мен Көлік және коммуникация вице-министрі Бектұров Азат Ғаббасұлы ашты.

Форум спикерлері ретінде төмендегі компаниялардың топ-менджерлері қатысты:

• Air Cargo Media
• Lufthansa Cargo
• FedEx
• Dubai Cargo Village
• Load Air of Kuwait
• United Aviation Services
• ESA Logistics

Форумның қонақтары ретінде Алматы қаласындағы барлық авиакомпаниялардың, сондай-ақ, Қазақстан, Түркия, Қытай және Ресей аймақтарындағы логистикалық компанияның өкілдері қатысты.