Жаңа ұшып-қону жолағы құрылысының жобасы көпшілік назарына ұсынылды. Бұл шараға Алматы қаласының Әкімі Иманғали Тасмағамбетов қатысты

19.07.2006
Жеке ақпарат

2006 жылдың 6-шы шілдесі күні жаңа ұшып-қону жолағы құрылысының жобасы көпшілік назарына ұсынылды. Бұл шараға Алматы қаласының Әкімі Иманғали Тасмағамбетов қатысты.

Екінші ұшып-қону жолағының құрылысы 1992 жылы басталған болатын, бірақ қаражат тапшылығына байланысты екі жылдан соң құрылыс тоқтап қалған. 2006 жылы «ХАӘ» АҚ акционерлерінің инвестициясы есебінен құрылыс қайта жаңғырды. Жобаның құны – 50 млн. доллар. Қазіргі кезде 7 млн. доллар жұмсалды.

Жаңа ұшып-қону жолағы ұшу салмағы мен ұшу жиілігі әр түрлі кез-келген әуе кемелерін қабылдайтын болады.

Екінші ұшып-қону жолағының техникалық сипаттамасы:
- 232 магниттік бағыттан – ИКАО-ның 3-ші категориялы метеоминимумы бойынша
- 52 магниттік бағыттан - – ИКАО-ның 1-ші категориялы метеоминимумы бойынша
Жаңа ұшып-қону жолағының көлемі: ұзындығы – 4500 м., ені – 45 м.

Тасмағамбетов мырзаның айтуынша, жаңа жолақ құрылысы қала экономикасы үшін өте маңызды, өйткені Алматы Еуропа мен Азия арасындағы жүк тасымалы үшін аса маңызды халықаралық көлік торабы болып табылады.

Жақында алты телескопиялық сатымен жабдықталып, сағатына 2500 жолаушыны ұшып-қондыруды қамтамасыз ететін халықаралық рейстерге арналған жаңа жолушылар терминалы құрылысын бастау жоспарланып отыр. Жаңа терминал маңында дамыған инфрақұрылымдық кешен орналаспақ, ол: Marriot жүйесіндегі қонақ үй, конференц-холдар, бизнес орталықтар, шоппинг орталықтар, кинотеатрлар.

Терминал Құлжа тас жолы бойына салынады, бұл әуежай маңындағы көлік қозғалысын реттеуге мүмкіндік береді.