Алматы қаласының Халықаралық әуежайындағы кэтерингтік және сервистік қызметтерді 1997 жылы құрылып, ISO 9000 стандарттары бойынша жұмыс істеп келе жатқан "Almaty Catering Services" ЖШС борт тамағы комбинаты жүзеге асырады.

"Almaty Catering Services" ЖШС борт тамағы комбинатының қызметін Алматы қаласының халықаралық әуежайы арқылы ұшатын авиакомпаниялар, оның ішінде, республикалық авиакомпаниялар да, British Airways, KLM, Lufthansa, Turkish Airlines, Трансаэро тәрізді шетелдік автакомпаниялар да пайдаланады.

 Шетелдік авиакомпаниялар Борт тамағы комбинатының жұмысына жоғары баға беріп отыр. 1999-2000 жылдардағы жұмыс нәтижелері бойынша комбинат British Airways компаниясының қола және күміс грамотасымен марапатталған.

"Almaty Catering Services" ЖШС өзі ұсынатын тағам сапасы үшін авиакомпаниялар алдындағы жауапкершілігін, үшінші тараптар алдындағы жауапкершілігін, борт тамағы комбинаты қызметкерлері тарапынан әуе кемелеріне келтірілген зиян үшін жауапкершілігін жыл сайын еуропалық сақтандыру компаниялары арқылы сақтандырып отырады. Ол өз жұмысын Еуропалық борт тамағын өндірушілер ассоциациясының тазалық және гигиена нормаларын сақтай отырып жүзеге асырады. Комбинат Халықаралық Алматы әуежайының күзетке алынған аумағында, ұшу алаңынан 10 минуттық жерде орналасқан.

"Almaty Catering Services" борт тамағы цехындағы күрделі жөндеу жұмыстары мен оны жетілдіруді ағылшындық "PKL" компаниясы жүзеге асырды. Және осы жұмыстардың арқасында әлемдік стандарттарға сай қазіргі заманғы жабдықтар орнатылды. Қазіргі кезде барлық борт тамағы "ELECTROLUX" компаниясының жабдығында дайындалады.

"Almaty Catering Services" ЖШС Халықаралық Алматы әуежайына қонатын барлық авиакомпаниялармен іскерлік қарым-қатынас жасауға дайын.

Байланыс телефондары: +7 (727) 388-8402, 388-8403